Regresamos a este espazo compartido, fatigadas por un ano difícil pero a tempo aínda para desexarvos un moi feliz verán.

Abofé que no ano próximo poderemos ser máis constantes nesta praza dixital, neste lugar de encontro na rede.

Ao longo de todo este curso levamos adiante unha chea de actividades, por suposto adaptadas ás circunstancias que vivimos, pero sempre co noso lema na mente: amor pola lingua galega.

Ese propósito é o que guia o noso esforzo, e para unha misión deste tipo, precisamos de todas as mans. Contamos coas túas, o próximo curso imos necesitalas!