O equipo de dinamización da lingua galega do CEIP de Sestelo-Baión ten como finalidade promover o seu uso e coñecemento entre toda a comunidade educativa.

​

Na dinamización da lingua teñen unha influencia moi importante os valores e preconceptos sociais que, no caso do galego, adoitan ser obstáculo máis que incentivos. É un obxectivo esencial do equipo loitar contra os prexuízos que rodean a lingua galega.

​

Confesamos tamén a nosa preocupación por unha progresiva perda de competencia comunicativa en lingua galega e desexamos revertir esa situación con traballo e moita sensatez. 

​

Todas as persoas dispostas a colaborar son benvidas no proxecto pois é unha tarefa compartida na que nunca sobran forzas.

​

​