Se te paras un momento a cavilar, seguro que veñen á memoria moitas mulleres que foron, son e serán importantes na túa vida.

​

Pode que sexa unha avoa que te coida desde que naciches e que comparte contigo a experiencia dunha vida enteira.

​

Pode que sexa unha nai que se ocupa de ti e que te acompaña cada día, pensando en como lograr que te sintas forte e feliz.

​

Pode ser esa irmá que te protexe e que garda fielmente o segredo das túas confidencias.

​

Quizais é unha amiga, aquela coa que te sintes tan a gusto que podes ser ti sen ter que parecer outra persoa. Todas elas son importantes para ti.

​

Na historia da humanidade houbo mulleres moi relevantes. Sen embargo, as nosas pequenas historias, as vidas que tecemos con instantes de alegrías e tamén de penas, non poderían comprenderse sen elas. 

​

Na escola de Baión, neste mes de marzo, imos lembrar as mulleres que máis significado teñen para nós. Queremos amosar con agarimo o noso recoñecemento para todas elas. Porque son, sen dúbida, as mulleres das nosas vidas.