Caen as follas, ten que ser outono

—E aquí estamos na escola outra vez.

—Si, pero este ano é ben diferente.

—Xa sei, xa sei. Pero o outono non entende de virus. As follas caen igual, as castañas saen dos ourizos...

—E a cativada ten gañas de leria!

—Si, xa ves. Iso non cambia.

—E por que había de cambiar?

—O único é que agora temos que facer as cousas doutro xeito. Como din os maiores: temos que reinventarnos.

—Pois seica os profes están preparando unha exposición virtual de cabazas. Non queren que quedemos sen a nosa exhibición de todos os anos.

—Ti xa pensaches en como decorar a túa?

—Non sei, pero a noite de Samaín está máis próxima do que parece.

—Xa me contarás a túa idea.

—E ti tamén. Xa me dirás como pensas facer.