top of page
XANEIRO2020.png

XANEIRO

Logo_EDLG_corazón_transparente.png

Cando é tempo de inverno

As árbores espidas, movidas polo vento, e as follas daquelas que aínda as conservan, énchense de xélidas pingas. Abrigos, luvas e gorros non faltan no noso roupeiro e calquera remedio é bo para espantar o frío do inverno. Nós apostamos pola música, que quenta o corazón e dá os azos precisos para agardar pola chegada da primavera.

Cantiga de berce

Durme meu neno, durme, sen máis pranto,
que o tempo de chorare, vai pasando
Que a terra na que vives, non quer bágoas,
precisa homes enteiros, pra libertala.
Durme meu neno, durme, colle forzas,
que a vida que che agarda, pide loita.
Recollera-lo froito sementado,
no inverno escuro e frío, no que estamos.
Semente feita en sangue por un pobo
que xurde dende a historia, dende o sono,
un sono cheo de aldraxe e miserento,
un sono de inxustizas e silencio.
Mira a lingua que falo, despreciada,
por ser lingua de probes, lingua escrava,
son o orgullo que temos, lingua de probes.
Só neles hai verdade e máis honores.
Durme meu neno, durme, niste colo,
que esta terra de escravos non ten odio.
Ten séculos de espranza, agardada,
que pon hoxe nos fillos que amamanta.

bottom of page