24 de outubro, Día da Biblioteca

Desde o ano 1997 vense celebrando en España o Día da Biblioteca o 24 de outubro. Nós querémonos unir sempre a esta celebración porque consideramos que a biblioteca escolar é un lugar vital, é o centro da escola.

Para este ano temos preparadas varias sesións de contacontos nas que os protagonistas serán os propios nenos que relatarán historias aos seus compañeiros.

Os novos socios da biblioteca recibirán o seu carné nun acto de benvida que agardamos sexa moi agradable para todos. Tamén publicaremos un novo número do boletín Bolboreta de Papel.

Estade atentos ao luns!